Tras o éxito e a boa acollida da primeira edición, Avigal pon en marcha unha nova convocatoria do II Certame Literario Jaime Olmedo Limeses, un espazo de creación que busca impulsar a literatura galega contemporánea e fomentar a escrita en galego entre o público infantil e xuvenil.
Esta segunda edición, aberta nas categorías de novela e relato infantil, quere consolidar o certame como un referente cultural no panorama literario galego, rendendo tamén homenaxe á figura de Jaime Olmedo Limeses, un exemplo de compromiso coa lingua e coa cultura do noso país.
A entrega de premios celebrarase o 17 de maio, coincidindo co Día das Letras Galegas, nun acto que reunirá á comunidade literaria, educativa e social en torno á palabra e á creatividade.
Desde Avigal, queremos agradecer a magnífica resposta que tivo a primeira edición, que nos anima a seguir apoiando proxectos que unen cultura, lingua e identidade galega, ofrecendo un espazo de encontro e inspiración para novas voces.
Atrévete a compartir a túa historia e a facer da túa imaxinación un tributo á nosa lingua.
Para participantes menores de 12 anos. Deberán escribir un relato curto en galego.
